الأربعاء، 12 سبتمبر 2012

بناء الإنسان الناجح

هل جربتي مع ابنك قبل ما تخرجوا تشتروا طلبات البيت انك تشركيه معاكي؟؟
فتقولى له تعالى نفتح دولاب المطبخ نشوف ناقصنا ايه...وبعدين تجيبوا ورقه وتكتبوا فيها ويساعدك هو وانتم فى السوبر ماركت فى اخذ المشتروات من على الارفف و بعدها ترتيبها معاكي فى البيت؟؟؟

والاولاد لسه صغيرين مش فاهمين الكلام وعندهم سنه ممكن اخده من ايده وافضل اقوله انا هاشتري كذا و كذا لمجرد انه يسمع الكلمات ومداركه تتفتح .
ممكن ابقى شايلاه وهو فى السن دا وعماله اتكلم معاه واقوله انت عارف هنطبخ ايه النهارده هنعمل كذا وكذا و افضل احكي واقوله.

شويه بشويه يبتدي هو يقدر يقول اللى محتاجينه وانا اكتب
وبعدها ممكن انا وهو نقول بس هو اللى يكتب وبعدها انا اقف واسيبه هو يشوف ايه اللى بيكون موجود هنا فى الرف دا وهل خلصان او قرب يخلص وهل عندنا منه عبوه تانيه ولا لأ وهو يكتب وانا برضو حواليه

ليست هناك تعليقات:

إرسال تعليق