ماذا بعد ما الابن /الابنه صارحوكم بالمشاكل اللى عملوها ؟؟
اولا اتفقنا على انه مش هتعملى كل الحاجات الى هتخليه مايفكرش ابدا انه يعيدها تاني والى موجوده فى الرابط دا
http://www.facebook.com/
ثانيا: لو الامر فيه مشكله هو واقع فيها مع طرف ثالث غيركم فالاول هنتناقش ازاى نحل مشكلتنا دي (لاحظي انها هتبقى مشكلتنا) مهما كان غضبك نحل المشكله الاول وبعدين هنشوف ما بيننا
ثالثا:ماتحاوليش تحميه من اخطاؤه ولكن خليه يواجهها بشجاعه لانك معاه
رابعا:بعد لما تحلوا المشكله شوفي العقوبه المناسبه للفعل لان مش معنى انه قالك انه محمي من العقوبه
في البدايه وكل ماكان الامر ابسط تقدري تتغاضي وتقولى له لانك قلت لى انا هاسامحك المره دي لكن بعد كدا ماينفعش
خامسا: وضحي ان الموقف كان هيبقى اسوأ ازاى لو انا ماكنتش اعرف وكان هيبقى فيه عقوبه اسوا و عدم ثقه بيننا لكن ميزه الاعتراف ليكي تظهر واضحه
سادسا: معنى انه اتعاقب ان الامر ينتهى عند حد العقوبه ومايبقاش الامر حاله من العقاب المستمر بينكم فمثلا منعتيه من الخروج كعقاب يبقى فى البيت مانكونش كمان مش بنكلمه و مش بيتفرج على تلفزيون و و
وبالتاكيد حجم الخطأ يفرق
سابعا: خلى ابنك/بنتك يشعر بحنانك حتى وقت الخطأ دا اللى هيرجعه ليكي مهما حصل
جربي دايما تحطي نفسك مكانهم وفى سنهم وفكري , اوعى تحسسيه انه نزل من نظرك مهما كان الخطأ
الثامن:الانسان وهو عارف انه غلطان وعنده مشكله بيكون ضعيف ومكسور فماينفعش وانت الام او انت الاب تكون بتكسره اكتر
بالعكس اجبر كسره علشان يستقيم ان شاء الله
ليست هناك تعليقات:
إرسال تعليق