تطبيق عملى للعلوم للأطفال

http://www.facebook.com/media/set/?set=a.396713050396577.91236.326669927400890&type=1

دة فايل هايل عن العلوم بتطبيق عملي لاطفال ماشوفتش زيه الا في المدونات الاجنبية ممكن لامهات اللاتي يتبعن التعلم المنزلي الاستعانة به وبافكاره .

عندما يتشاجر الاشقاء

http://www.facebook.com/photo.php?fbid=294791910621994&set=a.122719684495885.15851.121945291239991&type=1

نصائح هامة من محاضرات الشيخ محمد اسماعيل المقدم .

مناهج ل كى جى 1

فى ناس كتير محتارين فى المناهج خصووصا اللى فى البداية انا هاتكلم عن اللى فى البداية اللى فى كى جى 1

هو فيه منهجين انجليش هما اللى متوفرين على النت ماكيلين (يو اند مى) وفاملى فرند
تقريبا دول اللى منتشرين فى المدارس الكويسة
اختار اقربهم ليك بعد ما تحمل الاتنين وطريقه الشرح انا اعتمدت طريقتين
اول واحده هى التيتشر بوك ودى نسبيا متوفره انك بتكتب اسم المنهج +تيتشر بوك وبتحمله بس بيكون انجليش طبعا
الطريقة التانية هى اسم الدرس وندور على اكتفتى ليه او how to teach

الساينس
كان فيه سديهات كنت باعرف منها اسماء الدروس وبادور على الورك شيتس والشرح ليها

الماث
برضو كنت بادور على كتب ماث اجنبية برضو بالسيرش سواء على اسم الدرس او بالبحث بالسنة

العربى طبعا كذا طريقة بس انا جمعت بين الطريقة النورانية وطريقه تعليم القراءة القديمة اللى هى الحروف بالتشكيل وبعدين حرفين مع بعض وبعدين 3حروف مع بعض وكدا

بس اللى عايزة اقوله ان الموضوع مينفعش انه يكون ذى ما فعلان عمل لاء هو بالضبط اللى بيتوفر مع التعب فى الحصول على المعلومه لان من اهم الحاجات اللى لازم نتعلمها ونعملها لولادنا السيرش لانه هو دا اللى بجد هيفرق فى تعليمهم

تجربة للتعليم المنزلى

تجربتى بدأ مع ابنى هو حاليا جريد 1 ..بدأت معاه من سن تقريبا سنتين
وبدأت فعلا بتعليم طريقة منتسورى للتعليم وهى طريقه رائعه وممتعه طبعا اتعلمتها من النت
وبدأت انى عملت وقت منتظم كل يوم لمدرستى انا وابنى وسمتها مدرسة بودى وماما
وقتها دحلت على مواقع حضانات ومواقع تعليمية وابتديت فعلا اجمع المادة العلمية واللى بيتدرس وكان كل تعليمى معاه باللعب
وبعد فتره بدأ احتاج وسائل تعليمية تساعدنى فى تعليمة بطريقة سهله فمثلا لما جيت اعلمة الارقام اشكلها طبعا عملت مجسم لرقم 1 بالكارتون والصبح قلت له النهادة فيه واحد صاحبنا اسمه واحد جاى علشان يلعب معانا وكل شوية يحاول يمسكه شوية شوية لحد ما حفظ شكله وهكذا
اكيد استعنت تقريبا بكل الالعاب التعليمية واللى كنت باشوفها على المواقع الاجنبى واللى مكنتش باقدر اوصل انى اشترريها كنت بنفذها فى البيت

وصلنا لمرحله kg1 يعنى 4 سنين تقريبا و قدمنا فى المدرسة وبعدين اكتشفت ان المدرسة بدأت تضيع تتعميلى وتعبى معاه فقررت انا وباباه ان لا بلاش مدسة وفعلا مرحش
فى الفتره دى كنت وصلت مواقع كتير عن فكرة الهوم سكول وبجد اقتنعت بيها جدااا خصوصا انى كنت باطبقها بالفعل وان اذاى دا متقبل جدااا فى مجتمعاتهم وفايدته كبيرة جداا

اتعلمت طرق التدريس الفعال ودا كان عن طريق المواقع الاجنبى للاسف الجزء دا مش متغطى بالعربى خالص

برضو جينا kg2 وتحت ضغط والحاح المحيطين ان العزله هتأثر على شخصيته رراح المدرسة بس برضو للاسف الشديد كنت كل يوم بيخسر حاجه اتعلمها وتانى مره خدنا القررار وكملنا هوم اسكول

ووصل الحمد لله ابنى لمستوى جريد 2 من قبل ما يدخل المدرسة وعلمته القراءة والكتابه العربى و الانجليش ووالماث والساينس

بس للاسف السنة دى بقى راح المدرسة جريد 1 بقاله شهر وانا حزززززينة انه راح اصلا لكن لسه مستمرة فى مدرستى تماما مبسألش حتى اخد ايه فى المدرسة يدوب بنعمل الهوم ورك والشرح كله عليا والمذاكره وكله ..والمدرسة بقت للترفيه وبس او لنقل الحق للتدريب على الاحتكاك الاجتماعى اللى مازالت شايفه انه مش مهم فى الوقت الحالى وباتمنى احوله نهااااائى هوم سكول وبس
.
ااما تقيمى للتجربة فهو ممتاز وممتع جدا برغم صعوبته الا عنه اقوى بكتير من تعليم المدارس بس طبعا يفتقد للتواصل للاجتماعى

نور البيان في معلم القراءة بالقرآن

 http://www.4shared.com/file/LqihYMiS/noorbiaan.html

كتاب رائع لتعليم القراءة من سن 4 سنوات ...ستجد فيه ما يؤسس طفلك فى اللغة العربية
حجم الملف بعد فك الضغط : 11.5 ميجا

Instructables

http://www.instructables.com/

موقع ممتاز به العديد من التجارب العلمية والألعاب التعليمية وتفاصيل عن الحاجات وإزاى نعملها .

الموهبة والمعرفة

"إنني لا أتميز بموهبة خاصة, كل ما هنالك أنني شغوف بالمعرفة شغفا حقيقيا" ألبرت أينشتين